तीन चिनिया अन्तरिक्ष यात्री सकुशल पृथ्वी फिर्ता
SamacharDesk | २०८० जेठ २३, मंगलबार
तीन जना चिनिया अन्तरिक्ष यात्री ६ महिना अन्तरिक्षमा बसेर पृथ्वीमा फर्केका छन् ।
आइतबार विहान ६ बजेर ३३ मिनेटमा इनर मंगोलियामा मानवसहितको सन्चौ १५ यान अवतरण गरेको चिनियाँ अन्तरिक्ष संस्थाले जनाएको छ ।
सो यानमा तीन जना यात्रीहरु फेइ चुनलोङ, तङ छिङमिङ र चाङ लु रहेका थिए । उनीहरुको स्वास्थ्य ठीक रहेको र यान पनि ठीकठाक रहेको चिनियाँ एजेन्सीले जनाएको छ ।
उनीहरुले ६ महिनासम्म अन्तरिक्षमा रही चिनियाँ अन्तरिक्ष स्टेशन निर्माणको काम गरेका थिए ।
उनीहरुलाई प्रतिस्थापन गर्न अर्को टोली गत मे ३० मा अन्तरिक्षतर्फ गईसकेको छ ।
Categorized in अन्तर्राष्ट्रिय
