कामपा २९ वडामा पनि काँग्रेसको प्यानलै निर्वाचित
SamacharDesk – बिराज | २०७९ जेठ ६, शुक्रबार
काठमाडौं महानगरपालिका वडा नम्बर २९ मा पनि नेपाली काँग्रेसको पुरै प्यानल विजयी भएको छ ।
वडा अध्यक्ष पदका लागि नेकपा एमालेका प्रतिद्वन्दीलाई ५८ मतले पछि पार्दै नेपाली काँग्रेसका उम्मेदवार कुश ढकाल निर्वाचित भएका छन् ।
ढकालले एक हजार ९२९ मत प्राप्त गर्दा उनका निकटतम प्रतिद्वन्दि नेकपा (एमाले) का उम्मेदवार शिवराम राजवंशीले १८७१ मत पाएका थिए ।
खुल्ला वडा सदस्यमा एक हजार ८८२ मतसहित सन्तोष ढुङ्गेल र एक हजार ७३१ मतसहित अनिल कुमार श्रेष्ठ निर्वाचित भए ।
दुई हजार ७५ मत प्राप्त गर्दै रेनु श्रेष्ठ महिला सदस्य चुनिन् भने दलित महिला सदस्यमा एक हजार ९७७ मतसहित संगीता पुजारी विजयी भइन् ।
Categorized in स्थानीय
