new zenith_admission
arin enterprises

इन्टर मिलानले जित्यो कोपा इटालियाको उपाधि

SamacharDesk – आकाश राजोपाध्याय | २०७९ बैशाख २९, बिहिबार

इन्टर मिलानले कोपा इटालियाको उपाधि जितेको छ । रोमामा भएको खेलमा युभेन्ट्सलाई ४–२ ले हराउँदै इन्टरले उपाधि जितेको हो ।

बुधबार राति निर्धारित ९० मिनेटको खेल २–२ गोलको बराबरीमा खेल सकिएको थियो । अतिरिक्त समयमा अर्को दुई गोल थप्दै इन्टरले उपाधी आफ्नो पोल्टामा परेको हो ।

अतिरिक्त समयमा धकेलिएको खेलमा ९९औं मिनेटमा इभान पेरिसिसले पेनाल्टीमार्फट गोल गर्दै इन्टरलाई अघि बढाए ।

फेरी १०२ औं मिनेटमा पेरिसिसले नै व्यक्तिगत  दोस्रो र टोलीका लागि चौथो गोल गर्दै इन्टरको जित सुनिश्चित बनाए ।

यस अघिको खेलमा शुरुवाती अग्रता इन्टरले नै लिएको थियो । खेलको सातौं मिनेटमै निकोलो बरेल्लाले गोल गर्दै इन्टरलाई अग्रता दिलाएका थिए ।

५०औं मिनेटमा युभेन्टसका लागि एलेक्स सान्द्रोको गोल गर्दै खेललाई १–१ को बराबरीमा ल्याए । ५२औं मिनेटमा डुसान भ्लाहोभिचले गोल गर्दै युभेन्ट्सलाई २–१ ले अघि बढाएको थिए ।

तर ८०औं मिनेटमा इन्टरका हकान चलहानोग्लुले पेनाल्टीमार्फत गोल गर्दै खेललाई २–२ को बराबरीमा ल्याए ।

त्यसपछि निर्धारित ९० मिनेटको समयसम्म दुबै टिमबाट गोल हुन नसकेपछि खेल अतिरिक्त समयमा धकेलिएको थियो ।

इन्टरको यो आठौँ उपाधि हो । पछिल्लो पटक उसले २०११ मा उपाधि जितेको थियो । 

Categorized in स्पाेर्ट्स
SKIP THIS Maharjan Complex