विश्वभरीका नेवाःहरुको छाता संगठन विश्व नेवाः संगठन (वर्ल्ड नेवाः अर्गनाइेसन) ले विश्व नेवाः हाजिरी जवाफ प्रतियोगिता (World Newah Quiz Contest 2023) को दोश्रो संस्करण सुरु गर्ने भएको छ । संगठनले प्रेश विज्ञप्ती जारी गर्दै प्रतियोगीताको दोश्रो संस्करणको घोषणा गरेको हो ।

संगठनले आउँदो भदौ २ गतेबाट वर्ल्ड नेवाः क्वीज कन्टेस्ट २०२३ सुरु गर्न लागेको हो ।

आधुनिक प्रविधिको माध्यमबाट हुने यस प्रतियोगीतामा विश्वका हरेक कुनाकाप्चामा रहेका १८ वर्षसम्मका र १२ कक्षासम्मका विद्यार्थीहरुले सहभागीता जनाउन सक्ने संगठनले जनाएको छ ।

प्रतियोगीतामा जम्मा ३२ टोलीको सहभागीता रहने संगठनका केन्द्रीय अध्यक्ष संयुक्त श्रेष्ठले बताए ।

‘सहभागी टोलीलाई समूह विभाजन गरी एउटा समूहमा चार वटा टोली राखी प्रतियोगीता गरिनेछ । अन्तिममा चार वटा टोली बिचच फाइनलमा प्रथम, दोश्रो, तेश्रो र सान्त्वना पुरस्कार प्राप्त गर्नेलाई नगद पुरस्कार समेत दिइनेछ’ अध्यक्ष श्रेष्ठले बताए ।

प्रतियोगीतामा पहिलो स्थान हासिल गर्नेलाई एक हजार अमेरिकी डलर दिइनेछ । त्यस्ते दोश्रो, तेश्रो र सान्त्वना पुरस्कार पाउनेले क्रमशः ८००, ६०० र ४०० अमेरिकी डलर पुरस्कार पाउनेछन् । प्रतियोगीताको हरेक राउण्डको विजेता टोलीलाई ८० अमेरिकी डलर पुरस्कार दिने पनि आयोजकले जनाएको छ ।

प्रतियोगीतामा भाग लिन वर्ल्ड नेवाः अर्गनाइजेसनको वेबसाइट www.worldnewah.org मार्फत आउँदो साउन २७ गते भित्रमा फारम भर्नको लागि संगठनले आह्वान गरेको छ ।

प्रतियोगीतामा सहभागी हुनका लागि नेपालको एउटा टोलीको लागि ने.रू. एक हजार रुपैयाँ र नेपाल बाहिरको एउटा टोलीको लागि २५ अमेरिकी डलर प्रवेश शुल्क तोकिएको छ ।

Categorized in समाज