बेलायतका अस्पतालका चिकित्सकहरुले हडतालको घोषणा गरेका छन् ।

चिकित्सकहरुले राज्यको आर्थिक सहयोगमा सञ्चालित राष्ट्रिय स्वास्थ्य सेवा (एनएचएस) को इतिहासमा सबैभन्दा लामो हडतालको घोषणा गरेका हुन् ।

परामर्शदाता स्तरभन्दा मुनिका चिकित्सकहरू जुलाई १३ का दिन बिहान ७ बजेदेखि जुलाई १८ सम्म पाँच दिनका लागि सेवामा हाँजिर नहुने ‘ब्रिटिश मेडिकल एशोसिएशन’ले जनाएको छ ।

बेलायत सरकारले पाँच प्रतिशत तलब वृद्धिको प्रस्ताव अस्वीकार गरेको विरोधमा यसै महिना ७२ घण्टे हडताल भएको थियो । तर चिकित्सकहरूले विगत १५ वर्षमा वास्तविक रूपमा २६ प्रतिशत तलब कटौती भएको बताएका छन् ।

उनीहरू तलब सन् २००८–२००९ को स्तरमा फर्काउन चाहन्छन् तर सरकारले यसको अर्थ यो वर्ष औसत ३५ प्रतिशत तलब वृद्धि गर्नुपर्ने र र यो निकै महँगो हुने बताएको छ ।

बीएमए कनिष्ठ चिकित्सक समितिका संयुक्त अध्यक्ष रोबर्ट लरेन्सन र विवेक त्रिवेदीले अनुसार सरकारले एनएचएसको पतन चाहेका दाबी गरेका छन् ।

उनीहरुले बीएमए सर्वेक्षणलाई जोड दिएका छन् जसमा लगभग दुई हजार कनिष्ठ चिकित्सकमध्ये ५३ प्रतिशतले विगत चार महिनामा विदेश जाने प्रस्तावहरू प्राप्त गरेका थिए ।

लरेन्सन र त्रिवेदीले सरकारले तलबको विषयमा वार्ता पुनः सुरु गर्न अस्वीकार गरेको र ‘एनएचएसको इतिहासमा चिकित्सकहरूले गरेको सबैभन्दा लामो सेवा बहिस्कार गर्न बाध्य भएको बताएका छन् ।

यदि सरकारले तलब बहालीका लागि ‘विश्वसनीय प्रस्ताव’ ल्यायो भने हडताल टार्न सकिने उनीहरूले बताएका छन् ।

चिकित्सक, नर्स र अन्य मेडिकल स्टाफले मुद्रास्फीतिभन्दा कम तलब वृद्धि र अवस्थालाई लिएर हडतालको शृङ्खलाले बिरामीको हेरचाहमा असर पारेको छ, जसले नियुक्तिहरू रद्द गर्न वा पुनर्निर्धारित गर्न बाध्य बनाएको छ ।

स्वास्थ्य अधिकारीहरूले हडतालले वर्षौंको कम–कोष, कर्मचारी, र कोभिड महामारीको कारण उपचारमा ठूलो अभावलाई हटाउन संघर्ष गरिरहेको समय सेवालाई थप अवरुद्ध गरेको बताएका छन् ।

यो हडताल अत्यन्त निराशाजनक भएको प्रधानमन्त्री ऋषि सुनकका प्रवक्ताले बताएका छन् । यसले बिरामीको सुरक्षा र प्रतिक्षा सूची कटौती गर्ने सरकारको प्रयासलाई जोखिममा पार्ने प्रवक्ताले पत्रकारहरुसँग भनेका छन् ।

Categorized in अन्तर्राष्ट्रिय