आज थःनेयाः, समयबजी पुन्ही पनि मनाईंदै
SamacharDesk – डंगोल | २०८० आश्विन १२, शुक्रबार
येँया (इन्द्रजात्रा) अन्तर्गत आज थःनेयाः अर्थात् सहरको माथिल्लो क्षेत्रमा जात्रा मनाईंदैछ ।
आजको दिन जीवित देवी कुमारी, गणेश, भैरवको रथलाई वसन्तपुरबाट रथ तानेर प्याफल, यट्खा, नरदेवी, थाय्मदु, भेडासिङ, असनबाट केलटोल इन्द्रचोक हुँदै वसन्तपुर ल्याईपु¥याई आजको जात्रा समापन गरिन्छ ।
थःनेयाःका दिन आज पनि हिजो जस्तै सवभक्कु, लाखे, पुलुकिसि सँगसँगै गणेश, भैरव र कुमारीको रथ जात्रा गरिन्छ । सांस्कृतिक बाजागाजासहित रमाइलो गरी मनाइन्छ ।
यंया पु्न्हिको दिनलाई स्थानीय नेवारहरु समयबजि पुन्हि पनि भन्ने गर्छन् ।
आजको दिन घरघरमा समयुबजि बाँड्ने र खाने गरिन्छ भने कुमारी, गणेश, भैरवलाई ठाउँठाउँमा समय्बजी चढाइन्छ र प्रसादको रुपमा ग्रहण गर्नेगर्दछ ।
यो दिनमा समूह मिलेर ला छकू वयक समबजि भन्दै टोलटोलमा समयबजि माग्ने चलन पनि रहेको छ । स्याःबजि (एक प्रकारको च्युरा), हाकु मुस्या (कालो भटमास), पालु कुचा (अदुवाको टुक्रा), छोयला र व: को पञ्च तत्व स्वरुपको तान्त्रिक खानेकुरा हो समयबजि ।
स्याःबजि भन्नाले आकाशको प्रतीक, हाकु मुस्या भन्नाले वायुको प्रतीक, अदुवाका टुक्रा तेजको प्रतीक, माछा । मासु जलको प्रतीक र बारा पृथ्वीको प्रतीकको रुपमा लिएका छन् ।
जात्राको पछिल्लो दिन यँलागा चौथी अर्थात् भाद्रकृष्ण चौथीको दिन नानीचायाः भनेर रथ मरुटोलबाट प्याफल हुँदै किलागलबाट इन्द्रचोकतिर तानेर जात्रा सम्पन्न गरिन्छ।
रथ जात्रा गरिँदा रथको अगाडि अगाडि लाखे नाच र पुलकिसि नाच ल्याइन्छ। त्यसपछि गणेश र भैरवको रथ अनि सबैभन्दा पछाडि कुमारीको रथ तानेर ल्याइन्छ।
नानीचायाःको दिन बेलुकी यःसिं ढालेर येँयाः जात्रा सम्पन्न भएको घोषणा गरिन्छ। ढालेको यःसिंलाई टेकु दोभानमा लगेर विसर्जन गरिन्छ।
Categorized in संस्कृति
