पाकिस्तानको संसदले सोमबार नयाँ प्रधानमन्त्री चयन गर्ने भएको छ ।

आइतबार इमरान खानलाई अविश्वासको मतबाट अपदस्थ गरेपछि नयाँ प्रधानमन्त्रीको चयन गर्न लागेको हो । प्रधानमन्त्री दावेदारको रुपमा विपक्षी गठबन्धनका नेता शाहबाज सरिफले बहुमत प्राप्त गर्ने अपेक्षा गरिएको छ ।

केही दिनको राजनीतिक नाटक र सर्वोच्च अदालतको हस्तक्षेपपछि ६९ वर्षीय खानलाई मतदानबाट हटाइएकोथियो ।

उनले संसद विघटन र तत्काल निर्वाचनको आह्वान गरेर आफूविरुद्ध अविश्वासको प्रस्ताव ल्याउने यसअघिको प्रयासलाई रोक्ने प्रयास गरेका थिए ।

यद्यपि, देशको सर्वोच्च अदालतले विपक्षी याचिकालाई उनको कार्य असंवैधानिक भएको ठहर गर्दै मतदान अघि बढाउन आदेश दिएकोथियो ।

Categorized in अन्तर्राष्ट्रिय