बुढानिलकण्ठमा गाई काटेको अभियोगमा एक जनालाई प्रहरीले पक्राउ गरेको छ ।

हाल चुनिखेल बस्दै आएका शंखुवासभा भोटखोला गाउँपालिका ३ हटियाका ३२ वर्षीय छेन्डुक भोटेलाई गाई काटेको अभियोगमा बुधबार बिहान प्रहरीले पक्राउ गरेको हो । 

बुढानिलकण्ठ नगरपालिका ११ र १३ को सिमाना चुनीखेलस्थित च्याने खोलामा छेन्डुकले गाई काटेर खोलामा फाल्ने क्रममा स्थानीयहरुले देखेर प्रहरीलाई खबर गरेका थिए । 

स्थानीयबाट खबर पाएपछि महानरीय प्रहरी प्रभाग कपनबाट खटिएको टोलीले उनलाई पक्राउ गरेको हो ।

Categorized in अपराध