स्पेनिस क्लब बार्सिलोना युरोपा लिगको अन्तिम आठमा प्रवेश गरेको छ ।

टर्किस क्लब गालातासारेलाई समग्रमा २–१ ले हराउँदै बार्सिलोना अन्तिम आठमा पुगेको हो ।

अन्तिम १६ को पहिलो लेगमा गालातासारेसँग गोलरहित बराबरी खेलेको बार्सिलोनाले दोस्रो लेगमा २–१ गोलले जित निकाले ।

बिहिबार राति भएको दोस्रो लेगको खेलमा सुरुआती अग्रता भने गालातासारेले बनाएको थियो ।

२८ औं मिनेटमा मार्कोस डोले गोल गर्दै घरेलु टोलीलाई १–० को अग्रता दिलाए ।

खेलको ३७ औं मिनेटमा पेड्रीले गोल गर्दै बार्सिलोनालाई १–१ गोलको बराबरीमा  फर्काए ।

४९ औं मिनेटमा पिएरे एमरिक अबमेयाङले गोल गरेपछि खेल २–१ बार्सिलोनाको पोल्टामा गएको थियो । 

Categorized in स्पाेर्ट्स