चन्द्रागिरिका किशोरीहरुलाई एचपीभी खोप लगाईँदै
SamacharDesk – बिराज | २०८१ माघ २२, मंगलबार
राष्ट्रिय खोप कार्यक्रम अन्तर्गत एच.पी.भी. खोप अभियान चन्द्रागिरि नगरपालिकामा शुरु भएको छ ।
आज (मंगलबार) एक कार्यक्रमका बीच नगर प्रमुख घनश्याम गिरीले खोप कार्यक्रमको औपचारिक शुभारम्भ गरे ।
चन्द्रागिरि नगरपालिका ४ स्थित श्री चुनदेवी मा. वि.आ आयोजित एक कार्यक्रमका बीच नगर प्रमुख गिरीले खोप कार्यक्रमको शुभारम्भ गरेका थिए ।
१५ दिनसम्म संचालन हुने खोप अभियानको लागि नगरपालिकाको १५ वटै वडामा ७० वटा खोप केन्द्र तय गरिएको नगरपालिकाले जनाएको छ ।
चन्द्रागिरि नगरपालिका क्षेत्र भित्रका विभिन्न विद्यालयमा अध्ययनरत र विद्यालय बाहिर रहेका गरी जम्मा ६ हजार २०८ जना किशोरीहरुलाई खोप दिन लागिएको छ ।
नगर भित्रका सबै सामुदायिक तथा संस्थागत विद्यालयका ६ देखि १० कक्षामा अध्ययनरत र विद्यालय बाहिर रहेका १० देखि १४ वर्ष उमेर समूहका किशोरीहरुलाई एचपिभी खोप लगाइने जानकारी दिइएको छ ।
यस खोपले पाठेघरको मुखको क्यान्सर विरुद्ध लड्न किशोरीहरुलाई सहयोग गर्ने बताइएको छ ।
Categorized in स्थानीय
