चीनको क्वाङतोङ प्रान्तमा समुद्री आँधीले तहल्का मच्चाएको छ । दक्षिणी तटीय प्रान्तमा तलिम नाम गरेको आँधीले तहल्का मच्चाएको हो ।

प्रतिघण्टा १ सय ४० किलोमिटरको गतिमा आएको आँधीका कारण लाखौं मानिस विस्थापित भएका छन् ।

आँधीले ग्रस्त स्थानबाट झण्डै साढे दुई लाख मानिसलाई अन्यत्र सारिएको छ । हाइनान प्रान्तमा सुमद्रको लहर २० फिटसम्म माथि उठेको जनाइएको छ ।

समुद्री आँधीसँगै भारी वर्षा हुँदा हवाई उडानका साथै यातायात अवरुद्ध भएको छ । यो आँधीको प्रभाव भियतनाममा पनि परेको छ ।

भियतनामले पनि ३० हजार मानिसलाई सुरक्षित स्थानमा सारेको जनाएको छ ।

आँधीको प्रभाव मंगलबार साँझ वा भोलिसम्मै रहनसक्ने चिनियाँ मौसम पूर्वानुमान विभागले जनाएको छ ।

Categorized in अन्तर्राष्ट्रिय