बागमती प्रदेश सभाको बैठकमा नेपाली कांग्रेसका प्रदेश सभा सदस्य नरोत्तम बैद्यले संसदीय मर्यादा विपरीतको अभिव्यक्ति दिएको भन्दै सत्ता पक्षका सांसदहरुले उहाँलाई हदैसम्मको कारवाही गर्न माग गरेका छन् ।

आजको बैठकमा सांसद वैद्यले सांसद देशको कार्यकारी प्रमुखलाई संसदीय मर्यादाको समेत ख्याल नगरी दिएको अभिव्यक्ति खेदजनक भएका भन्दै कारवाहीको माग गरिएको हो ।

यसै क्रममा वागमती प्रदेश सभासद् डा. अजयक्रान्ती शाक्यले देशको प्रधानमन्त्रीको हत्या गर्न तयार छु भन्दै दिएको अभिव्यक्ति क्षमा योग्य नभएको बताए ।

समाचारडेस्कसँग कुरा गर्दै डा. शाक्यले भने, ‘महात्मा गान्धीका हत्यारा नाथुराम विनायक गोड्सेको उदाहरण दिदैँ उहाँले देशको प्रधानमन्त्रीको हत्या गर्न तयार छु भन्दै दिएको अभिव्यक्ति क्षमा गर्न योग्य छैन । उहाँलाई हदैसम्मको कारबाही गर्न माग गर्छौ ।’

प्रदेशसभाले प्रस्तुत गरेको नीति तथा कार्यक्रम बारेको बहसमा वैद्यले देशको कार्यकारी प्रमुखकै हत्या गर्ने अभिव्यक्ति दिनु अराजकताको पराकाष्ठा भएको पनि सांसदहरुको भनाई छ ।

प्रमुख प्रतिपक्षी दल नेपाली काँग्रेसले पनि सांसद वैद्यको उक्त अभियव्यक्ति व्यक्तिगत हो कि काँग्रेसकै आधिकारिक धारणा हो भन्ने प्रष्ट पार्नुपर्ने डा. शाक्यले भन्नुभयो ।

सांसद वैद्यले प्रदेश सभाको वैठकमा बोलदै खड्ग प्रसाद ओलीले देश खान लागेको भन्दै नाथुराम गोड्से आवश्यक भएको र देश बचाउन आफैं नाथुराम गोड्से बन्न तयार भएको बताएका थिए ।

Categorized in राजनीति