बर्दियामा एक महिलालाई जबरजस्ती करणी गरेको अभियोगमा एक पुरुषलाई पक्राउ गरीएको छ ।

२३ वर्षीया महिलालाई जबरजस्ती करणी गरेको अभियोगमा बारबर्दिया नगरपालिका–४ बस्ने ३२ वर्षीय गौना थारुलाई प्रहरीले पक्राउ गरेको हो ।

अनुसन्धानको क्रममा गौनाले ती महिलालाई मंगलबार दिउँसो बारबर्दियाको पदनाहामा जबरजस्ती करणी गरेको खुल्न आएको प्रहरीले जनाएको छ ।

घटनाको खबर प्राप्त भएपछि ईलाका प्रहरी कार्यालय बानियाभार बर्दियाबाट खटिएको प्रहरी टोलीले थारुलाई पक्राउ गरेको हो ।

घटनाको सम्बन्धमा प्रहरीले थप अनुसन्धान गरिरहेको बताएको छ ।

Categorized in अपराध