दिल्ली पुलिसले दुई पटकसम्म ओलम्पिक विजेता कुश्तीबाज सुशील कुमारलाई गिरफ्तार गरेको छ ।

कुश्तीबाज सागर राणाको हत्या आरोपमा सुशील कुमारलाई गिरफ्तार गरिएको हो । ३८ वर्षीय सुशील कुमारमाथि कुश्तीबाज सागर राणाको हत्याकाण्डमा अपहरण, हत्यालगायत कैयौं धारामा मुद्दा दर्ता छ ।

एसीपी अत्तर सिंहको निगरानी र इंस्पेक्टरद्वय शिवकुमार र करमबीर सिंहको अगुआईमा दिल्ली पुलिसको स्पेशल टीमले सुशील कुमारलाई गिरफ्तार गरेको बीबीसीले जनाएको छ ।

सुशीलको साथमा प्रहरीले ४८ वर्षीय अजयलाई पनि गिरफ्तार गरेको छ । फरार रहँदै आएका सुशील कुमारमाथि भारतीय प्रहरीले एक लाख रुपैयाँको पुरस्कारसमेत राखिएको थियो भने अजयमाथि ५० हजारको पुरस्कार थियो ।

सागर हत्याकाण्डमा सुशील कुमारको जोडिएको विषयमा यहाँका प्राय अखाडाहरु भने चुप छन् ।

सुशील कुमार यस अघि विभिन्न विवादमा मुछिएका थिए ।

सन् २०१७ को कमनवेल्थ गेममा सुशील कुमारले प्रवीण राणालाई पराजित गरेका थिए । त्यो बेला सुशील कुमार र प्रवीण राणाका समर्थकबीच झडप भएको थियो ।

त्यस्तै २०१६ को रियो ओलम्पिकभन्दा अघि ७४ किलो तौल समूहमा भाग लिएका नरसिंह यादवले उनीमाथि आफुलाई डोपिङ्गमा फसाएको आरोप लगाएका थिए ।

Categorized in स्पाेर्ट्स