रियल म्याड्रिडले यो सिजनको स्पेनिस ला लिगा उपाधि नजिक पुगेको छ ।

बुधबार राति भएको खेलमा ओसासुनालाई ३–१ गोलले हराउँदै रियल उपाधि नजिक पुगेको हो ।

ओसासुनाको घरेलु मैदानमा भएको खेलको १२ औं मिनेटमा डेभिड अलाबाले गोल गर्दै रियललाई अग्रता दिलाएका थिए ।

१३ औं मिनेटमा ओसासुनाका एन्ट बुडीमिरले गोल गदै खेल १–१ गोलको बराबरीमा ल्याए ।

मार्को एसेन्सियोले ४५ औं मिनेटमा गोल गरेपछि रियल २–१ ले अघि रह्यो ।

खेलको ५२ औं र ५९ औं मिनेटमा रियलका करिम बेन्जिमा पेनाल्टीमा गोल गर्न चुक्दा रियलले अग्रता बढाउने मौका गुमायो ।

इन्जुरी समयमा लुकास भास्क्वेजले गोल गर्दै रियललाई ३–१ को जित दिलाए ।

यो जितसँगै ३३ खेलमा ७८ अंक जोड्डै रियल शीर्ष स्थानमा छ । रियललाई अब उपाधि जित्न ४ अंकको आवश्यकता रहेको छ ।

ओसासुना ४४ अंक जोडेर नवौं स्थानमा रहेको छ ।

Categorized in स्पाेर्ट्स