ललितपुर महानगरपालिका ५ मा बिकाशमान श्रेष्ठ निर्वाचित
SamacharDesk – बिराजकाजी राजोपाध्याय | २०७९ जेठ ३, मंगलबार
ललितपुर महानगरपालिका वडा नं ५ मा नेकपा एमालेका बिकाशमान श्रेष्ठ नै फेरी निर्वाचित भएका छन् ।उक्त वडामा श्रेष्ठसहित नेकपा एमालेको पुरै प्यानल विजयी भएको हो ।
एक हजार ७९ मतसहित श्रेष्ठ वडाध्यक्षमा निर्वाचित हुँदा उनका निकटतम प्रतिद्वन्दी नेपाली काँग्रेसका उम्मेदवार सन्जीव पाण्डले पाँच सय ९२ मत प्राप्त गरे ।
२०७४ सालको स्थानीय निर्वाचनमा पनि यस वडामा नेकपा एमालेबाट श्रेष्ठ नै निर्वाचित भएका थिए ।
खुल्ला सदस्यमा नेकपा एमालेकै पुनम निरौला ९५९ मत र अशोक कुमार श्रेष्ठ ८८४ मत पाउँदै निर्वाचित भए ।
महिला वडा सदस्यमा पनि नेकपा एमालेकै शोभा देवी प्रधान (श्रेष्ठ) एक हजार ९ मतसहित विजयी भइन् ।
यस्तै दलित महिला सदस्यमा विजयी भएकी मञ्जु रिजालले ९६९ मत ल्याइन् ।
Categorized in स्थानीय
