फाइनलमा स्पेन र क्रोएसिया भिड्ने
SamacharDesk – आकाश राजोपाध्याय | २०८० आषाढ १, शुक्रबार
यूईएफए नेसन्स लिगको फाइनलमा स्पेन र क्रोएसिया भिड्ने भएको छ ।
सेमिफाइनलमा इटालीलाई हराउँदै स्पेन फाइनल पुगेपछि स्पेन र क्रोएसिया भिड्ने टुंगो लागेको हो ।
बिहीबार राति भएको सेमिफाइनल खेलमा स्पेनले इटालीलाई २–१ गोलले हराएको थियो ।
खेलको तेस्रो मिनेटमा एरेमी पिनोले गोल गर्दै स्पेनलाई अग्रता दिलाएका थिए । खेलको ११ औं मिनेटमा सिरो इमोबाइलले गोल गर्दै इटालीलाई १–१ गोलको बराबरीमा ल्याए ।
त्यसपछि खेलको ८८ औं मिनेटमा जोसेलुले गोल गर्दै स्पेनलाई २–१ को जित दिलाए ।
फाइनल खेल १८ जुन आइतबार हुनेछ ।
Categorized in स्पाेर्ट्स
