भारतमा एक दम्पतीले आईफोन १४ किन्न आफ्नै आठ महिने छोरा बेचेको खुलेको छ ।

भारतको पश्चिम बंगालको परगना जिल्लामा यो घटना भएको भारतीय संचार माध्यम द इन्डियन एक्सप्रेसले जनाएको हो ।

उक्त घटनामा संलग्न बच्चाको आमा सठि घोष र बच्चा किन्ने प्रियंका घोषलाई पक्राउ गरि बच्चाको उद्धार गरिएको छ ।

ती दम्पतीले आईफोन १४ किनेर दिघा, मन्दरमोनी जस्ता ठाउँ घुम्न र त्यसको इन्स्टाग्राम रिल्स् बनाउन यस्तो काम गरेको बताइएको छ ।

ती दम्पतीसँग धेरै दिनसम्म बच्चा नदेखिएको र त्यसबारे केहि चिन्ता नलिएको पाइएपछि शंका लागेर छिमेकीहरुले प्रहरीलाई खबर गरेका थिए ।

निम्न आयस्रोत भएको दम्पतीसँग लाख मुल्यको आइफोन १४ बोकि हिँडेको देखिएपछि छिमेकीहरुको शंखा झनै बढेको थियो ।

प्रहरीका अनुसार शिशुका बाबु जाभेद घोष अहिले फरार छन् ।

प्रहरी अनुसन्धानको क्रममा बुबा घोषले अर्की सात वर्षीय बच्चालाई पनि बेच्न खोजेको, तर योजना पूरा नभएको खुलेको छ ।

Categorized in अपराध