चेल्सीले प्रिमियर लिगमा जित दर्ता गरेको छ । शुक्रबार चेल्सीले नवप्रवेशी क्लब लुटन टाउनलाई ३–० ले हराएको हो ।

स्टामफोर्ड ब्रिजमा भएको खेलमा चेल्सीलाई जिताउन फरवार्ड रहिम स्टर्लिङले खेलमा शान्दार प्रदर्शन गरेका थिए ।

उनले खेलमा दुई गोल गर्दा अर्को गोल निकोलस ज्याक्सनले गरे । खेलको १७ औं मिनेटमा स्टर्लिङले चेल्सीलाई अग्रता दिलाएका थिए ।

६८ औं मिनेटमा उनैले चेल्सीको अग्रता दोब्बर बनाए ।

खेलको ७५ औं मिनेटमा ज्याक्सनले गोल गर्दै चेल्सीलाई शानदार जित दिलाए ।

यो प्रिमियर लिगको नयाँ सिजनमा चेल्सीले पहिलो जित दर्ता गरेको हो ।  

Categorized in स्पाेर्ट्स