एसिया कप २०२३ को उपाधिका लागि भारत र श्रीलंका भिड्ने भएका छन् ।

बिहीबार भएको खेलमा पाकिस्तानलाई २ विकेटले हराउँदै श्रीलंका दोस्रो स्थानमा र भारत शीर्ष स्थानमा रहँदै फाइनलमा स्थान बनाएको हो ।

समान २ खेलमा ४ अंकमा रहे पनि भारत राम्रो रनरेटका कारण शीर्ष स्थानमा छ ।

साविक विजेता श्रीलंका १३ औं तथा भारत ११ औं पटक फाइनल पुगेका हुन् । भारतले ७ र श्रीलंकाले ६ पटक एसिया कपको उपाधि जितेका छन् ।

सुपर फोरको अन्तिम खेलमा भारतले शुक्रबार बंगलादेशसँग खेल्दैछ ।

यी दुई टोलीले उपाधिका लागि आइतबार प्रतिस्पर्धा गर्नेछन् ।

Categorized in स्पाेर्ट्स