धादिङको गजुरीबाट करिब २ केजि ८ सय ग्राम अवैध लागूऔषध चरेश सहित एकजनालाई प्रहरीले पक्राउ गरेको छ ।

प्रहरीले गजुरी गाउँपालिका वडा नम्बर ६ आदमघाटस्थित सडकबाट सोही गाउँपालिका–७ तल्लो पेटारे बस्ने २५ वर्षीय सोमलाल तामाङलाई बुधबार साँझ पक्राउ गरेको हो ।

विशेष सूचनाको आधारमा ईलाका प्रहरी कार्यालय गजुरीबाट खटिएको प्रहरी टोलीले तामाङलाई पक्राउ गरेको हो ।

सडकमा चेकजाँच गर्दा तामाङले बोकेको झोलामा प्रहरीले उक्त परिमाणको लागूऔषध फेला पारेको हो ।

तामाङलाई पक्राउ गरी यस सम्बन्धमा प्रहरीले थप अनुसन्धान गरिरहेको जनाएको छ ।

Categorized in अपराध