स्पेनिस कोपा डेल रेको उपाधि रियल बेटिसले जितेको छ ।

शनिबार राति भएको फाइनल खेलमा भ्यालेन्सियालाई पेनाल्टी सुटआउटमा ५–४ गोलले हराउँदै बेटिसले उपाधि जितेको हो ।

सेभियामा भएको फाइनल खेलको निर्धारित समय १–१ गोलको बराबरीमा सकिएपछि खेल पेनाल्टीमा गएको थियो ।

पेनाल्टीमा बेटिसको लागि हुआन मिरांडा,क्रिस्टीअन टेलो,आंद्रेस ग्वार्दादो ,जोआक्विन र विलियन होसेले गोल गरे ।

यस्तै र  भ्यालेन्सियाका जोसे गया, गोन्कालो ग्वेडेस, उरोश रसिच, कार्लोस सोलले गोल गर्दा युनुस मुसाले गोल गर्न सकेनन् ।

त्यसअघि खेलको ११ औं मिनेटमा बोर्जाले गोल गर्दै बेटिसलाई सुरुवाती अग्रता दिलाए । ३० औं मिनेटमा भ्यालेन्सियालाई ह्युगो डुरोले गोल गर्दै खेल १–१ गोलको बराबरीमा फर्काएका थिए ।

यो सहित बेटिसले चार पटक कोपा डेल रे को उपाधि जितेको हो । पछिल्लो पटक बेटिसले २००५ मा उपाधि जितेको थियो ।

Categorized in स्पाेर्ट्स