एसी मिलानमाथि रियल म्याड्रिडको पुनरागमन जित
SamacharDesk – आकाश राजोपाध्याय | २०८० श्रावण ८, सोमबार
मैत्रीपूर्ण खेलमा स्पेनीस क्लब रियल म्याड्रिडले पुनरागमन जित हासिल गरेको छ ।
सोमबार भएको खेलमा रियलले इटाली क्लब एसी मिलानमाथि ३–२ को पुनरागमन जित हासिल गरेको हो ।
लस एन्जल्समा भएको खेलको २५ औं मिनेटमा फकायो तोमोरीले मिलानलाई अग्रता दिलाएका थिए ।
पहिलो हाफको खेल सकिन तीन मिनेट अघि लुका रोमिरोले मिलानको अग्रता दोब्बर बनाएका थिए ।
दोस्रो हाफमा रियलले २–० ले पछि परेको अवस्थालाई उल्ट्याउँदै जित हासिल गरे ।
रियलको लागि फेडरिको भाल्भर्डेले ५७ औं र ५९ औं मिनेटमा गरी लगातार दुई गोल गर्दै खेललाई बराबरीमा अवस्थामा ल्याएका थिए ।
खेल सकिन ६ मिनेट अघि भिनिसियस जुनियरले गोल गर्दै रियललाई पुनरागमन जित दिलाए ।
Categorized in स्पाेर्ट्स
