चीनका राष्ट्रपति सी जिनपिङलाई तेस्रो कार्यकालको लागि चिनियाँ संसद जनकंग्रेसले अनुमोदन गरेको छ ।

सत्तारुढ चिनियाँ कम्युनिष्ट पार्टीका महासचिव समेत रहेका सीलाई जनकंग्रेसको चालु अधिवेशनले तेस्रो कार्यकालका लागि अनुमोदन गरेको हो ।

सी तेस्रो कार्यकालको लागि अनुमोदन भएपश्चात सबैभन्दा प्रभावशाली नेता बनेको छ । बैठकले कम्युनिष्ट पार्टीको महासचिव र केन्द्रीय सैन्य आयोग ९सीएमसी० को अध्यक्षको दुवै पद हस्तान्तरण गरेको छ ।

देशमा दुईवटा सीएमसी छन् ( एउटा पार्टी संगठन हो र अर्को राज्य संस्था हो । तर तिनीहरूको कार्य सामान्यतया एउटै हुन्छ। यस्तै जनकंग्रेसले हान चाङलाई उपराष्ट्रपतिमा निर्वाचित गरेको छ भने चाओ लचीलाई जनकंग्रेसको अध्यक्ष निर्वाचित गरेको छ ।

बैठकले जनकंग्रेस स्थायी समितिका १४ जना उपाध्यक्षसमेत चयन गरेको छ । वैठकले प्रधानमन्त्रीसहित बाँकी राज्य परिषद्का सदस्यहरु तथा अन्य सरकारी उच्च अधिकारीहरु पनि निर्वाचित गर्नेछ । राष्ट्रपति सी का निकट लि छियाङ नयाँ प्रधानमन्त्री बन्ने संभावना छ । 

राष्ट्रपतिको रूपमा उनको तेस्रो कार्यकालबाट चिनियाँ जनताहरुले व्यापक रूपमा अपेक्षा गरिएको थियो ।

राष्ट्रपति सीले आगामी दिनमा आफ्नो शासनलाई अझ बलियो बनाउने देखिन्छ किनभने चीनले सरकार विरोधी प्रदर्शनलाई उत्तेजित गरेको शुन्य कोभिड नीतिको विरोध भइरहेको छ ।

देशले घट्दो जन्मदरको पनि सामना गरिरहेको छ जसले यसको आर्थिक वृद्धिदर खतरामा पारेको देखिन्छ ।

Categorized in अन्तर्राष्ट्रिय