सोलुखुम्बुको महाकुलुङमा रेडपाण्डाको ७ थान छालासहित ३ जनालाई पक्राउ गरिएको छ ।

पक्राउ पर्नेहरूमा महाकुलुङ गाउँपालिका–२ बस्ने ७६ वर्षीय जगत बहादुर राई, ५७ वर्षीय मितुरधन राई र ५६ वर्षीय कविराखर राई रहेका छन् ।

मकालु वरुण राष्ट्रिय निकुञ्ज मध्यवर्ति क्षेत्र बफरजोनबाट आज बिहान उनीहरुलाई पक्राउ गरिएको हो ।

उनीहरुको साथबाट रेडपाण्डा मार्न प्रयोग गरिने ५ थान पासो पनि बरामद गरिएको छ ।

बफरजोनभित्र वन्यजन्तु चोरी शिकारी तथा तस्करी भईरहेको भन्ने खबरको आधारमा जिल्ला प्रहरी कार्यालय सोलुखुम्बुबाट खटेको प्रहरी टोलीले उनीहरूलाई पक्राउ गरेको हो ।

घटनाको सम्बन्धमा प्रहरीले थप अनुसन्धान गरिरहेको प्रहरीले बताएको छ । 

Categorized in अपराध