स्पेनिस ला लिगाको शीर्ष स्थानको एट्लेटिको म्याड्रिड र दास्रो स्थानको बार्सिलोना बीचको खेल बराबरीमा रोकिएको छ ।

शनिबार बार्सिलोनाको मैदान क्याप नाउमा भएको खेल गोलरहित बराबरीमा रोकिएको हो ।

यो बराबरीसँगै बार्सिलोनाले शीर्ष स्थानमा पुग्ने अवसर गुमाउँदा शीर्ष स्थानको एट्लेटिकोले अग्रता बढाउने अवसर गुमाएको छ ।

त्यस्तै यो बराबरीले तेस्रो स्थानको रियल म्याड्रिडलाई फाइदा पुगेको छ । रियलले सोमबार चौथो स्थानको सेभियासँग खेल्नेछ ।

सो खेलमा जित हात पारे रियलले शीर्ष स्थानको एट्लेटिकोसँग अंक बराबरी गर्नेछ ।  यदि सेभियासँग पराजित भएमा रियलको उपाधि यात्रामा धक्का लाग्नेछ भने एट्लेटिको र बार्सिलोनालाई फाइदा पुग्नेछ ।

शीर्ष स्थानको एट्लेटिकोको ३५ खेलबाट ७७ अंक छ । दोस्रो स्थानको बार्सिलोनाको ७५ अंक छ भने तेस्रो स्थानको रियलको ३४ खेलबाट ७४ अंक छ । 

 

 

Categorized in स्पाेर्ट्स