स्पेनिस क्लब बार्सिलोनाले जोन ग्याम्पर ट्रफी जितेको छ । मंगलबार राति भएको खेलमा इंग्लिस क्लब टोटनहमलाई ४–२ गोलले हराउँदै बार्सिलोनाले ट्रफी आफ्नो पोल्टामा पारेको हो ।

स्पेनको लुइस कम्पनी ओलम्पिक स्टेडियममा भएको खेलको तेस्रो मिनेटमा रोबर्ट लेवान्डोस्कीले गोल गर्दै बार्सिलोनालाई अग्रता दिलाए ।

टोटेनहमको ओलिभर स्किपले २४औं मिनेटमा बराबरी गोल फर्काए । स्किपले खेलको ३६औं मिनेटमा ब्यक्तिगत र टोलीको लागि दोस्रो गोल गर्दै पहिलो हाफमै टोटेनहमलाई २–१ को अग्रता दिलाए ।

दोस्रो हाफमा बार्सिलोना खेलमा फक्र्यो । खेलको ८१औं मिनेटमा फेरान टोरेसले गोल गर्दै बार्सिलोनालाई २–२ को बराबरीमा ल्याए ।

९० औं मिनेटमा अन्सु फातीले गोल गर्दै स्पेनिस जायन्तलाई ३–२ को अग्रता दिलाए ।

खेलको इन्जुरी समयमा अब्दे इज्जलजौलीले गोल गर्दै टिमलाई ४–२ गोलको जित दिलाए ।

यो बार्सिलोनाको ४६ औं  जोन ग्याम्पर ट्रफी उपाधि हो ।

Categorized in स्पाेर्ट्स