पहिलो लेगमा सिटीको सहज जित
SamacharDesk – आकाश राजोपाध्याय | २०७९ चैत्र २९, बुधबार
च्याम्पियन्स लिगको क्वाटरफाइनल अन्तर्गत पहिलो लेगमा इंग्लिस क्लब म्यानचेस्टर सिटीले सहज जित निकालेको छ ।
मंगलबार राति भएको पहिलो लेगमा सिटिले जर्मन क्लब बायर्न म्युनिखलाई ३–० गोलले हराएको हो ।
घरेलु मैदानमा सिटीलाई जित दिलाउन रोड्री, बेर्नार्डो सिल्भा र अर्लिङ हालाण्डले एक एक गोल गरे ।
इथिहाद स्टेडियममा भएको खेलको २७ औं मिनेटमा रोड्रीले गोल गर्दै सिटीलाई अग्रता दिलाएका थिए । ७० औं मिनेटमा सिल्भाले सिटीको अग्रता दोब्बर बनाए ।
हालाण्डले ७६ औं मिनेटमा गोल गरे । बायर्नविरुद्धको गोलसँगै हालाण्डले यो सिजनको ३९ औं खेलमा ४५ गोल पूरा गरेका छन् । एकै सिजन सबैखाले प्रतियोगितामा ४५ गोल गर्ने उनी पहिलो प्रिमियर लिगका खेलाडी बनेका छन् ।
खेलको बाँकि समयमा अरु गोल हुन नसक्दा सिटी टी ३–०ले विजय भयो ।
यो जितसँगै सिटी च्याम्पियन्स लिगको सेमिफाइनल नजिक पुगेको छ । अर्को चरणमा पुग्न बायर्नलाई भने दोस्रो लेगमा कम्तीमा ४–०को अग्रताले खेल जित्नु पर्ने हुन्छ ।
दुई टोलीबीचको दोस्रो लेग अप्रिल २० मा हुनेछ ।
Categorized in स्पाेर्ट्स
