डर्टमण्ड शीर्ष स्थानमा उक्लियो
SamacharDesk – आकाश राजोपाध्याय | २०८० जेठ ८, सोमबार
जर्मनी बुन्डेसलिगामा बोरुसिया डर्टमण्ड शीर्ष स्थानमा उक्लिएको छ । आइतबार राति अग्सबर्गलाई ३–० ले हराउँदै डर्टमण्ड शीर्ष स्थानमा उक्लिएको हो ।
अग्सबर्गको घरेलु मैदानमा भएको खेलको ३८ औं मिनेटमा फेलिक्सले रातो कार्ड पाएपछि अग्सबर्ग १० खेलाडीमा समेटिएको थियो ।
५८ औं मिनेटमा सेबास्टियन हालेरले गोल गर्दै डर्टमण्डलाई अग्रता दिलाएका थिए ।
सेबास्टियनले ८४ औं मिनेटमा व्यक्तिगत दोस्रो गोल गर्दा डर्टमण्ड दोब्बर अग्रताले अघि रह्यो ।
खेलको इन्जुरी समयमा जुलियन ब्रान्टले गोल गर्दै डर्टमण्डलाई ३–० को जित दिलाए ।
यो जितसँगै डर्टमण्डले साविक विजेता बायर्न म्युनिख माथि २ अंकले अग्रता लिएको छ ।
उसले ३३ खेलमा ७० अंक जोडेको छ । समान खेलमा दोेस्रो स्थानको बायर्नको ६८ अंक छ ।
यस्तै अग्सबर्ग ३४ अंक जोडेर १४ औं स्थानमा रहेको छ ।
Categorized in स्पाेर्ट्स
