आयोगले तोक्यो मतदाताहरुको नयाँ मतभार
SamacharDesk | २०८० मङ्सिर ६, बुधबार
निर्वाचन आयोगले राष्ट्रिय सभा सदस्य निर्वाचनमा भाग लिने मतदाताहरूको नयाँ मतभार तोकेको छ ।
आयोगका प्रवक्ता शालिग्राम शर्मा पौडेलले आज बसेको आयोगको बैठकले प्रदेश सभा सदस्यको मतभार ५३ कायम गरेको जानकारी दिनुभयो ।
यसअघि एक जना प्रदेश सभा सदस्यको मतभार ४८ र स्थानीय तहका जनप्रतिनिधिको मतभार १८ थियो ।
यस्तै, गाउँपालिका अध्यक्ष तथा उपाध्यक्ष र नगरपालिकाका प्रमुख तथा उपप्रमुखको मतभार १९ कायम गरिएको छ ।
आयोगले २०७८ को जनगणनापछि प्रदेशसभा सदस्य र स्थानीय तहका प्रमुख÷उपप्रमुखको नयाँ मतभार कायम भएको जनाएको छ ।
आगामी माघ ११ गतेभित्र राष्ट्रियसभामा रिक्त सदस्यको निर्वाचन गर्ने तयारी आयोगले गरेको छ ।
Categorized in राष्ट्रिय
