युरोपा लिग फुटबलको सेमिफाइनल पहिलो लेगको खेलमा इटालीको एएस रोमाले जर्मनीको बायर लिभरकुजेनलाई १–० ले हराएको छ ।

इटालीको रोममा गएराति भएको खेलमा घरेलु टोलीलाई विजयी गराउन एडुवार्डो बोभेले ६२ औं मिनेटमा निर्णायक गोल गरे ।

जितसँगै रोमाले फाइनल पुग्ने सम्भावना बलियो पारेको छ ।

दोस्रो लेगको खेल अर्को हप्ता जर्मनीमा हुनेछ । युरोपा लिगकै अर्को सेमिफाइनल खेलमा इटालीको युभेन्टस र स्पेनको सेभियाले १–१ गोलको बराबरी खेलेका छन् ।

इटालीमा भएको खेलमा भ्रमणकारी टोलीका योसेफ एन नेसेरीले पहिलो गोल गरे ।

इन्जुरी समयमा युभेन्टसका फेडेरिको ग्याटीले एक गोल फर्काउँदै खेल बराबरी गरेका हुन् ।

Categorized in स्पाेर्ट्स