साविक विजेता सेनेगल बाहिरियो
SamacharDesk – आकाश राजोपाध्याय | २०८० माघ १६, मंगलबार
साविक विजेता सेनेगल अफ्रिका कप अफ नेसन्सवाट बाहिरिएको छ । आयोजक आइभरी कोस्टसँग पेनाल्टी सुटआउटमा ५–४ गोलले पराजित भएपछि सेनेगल अन्तिम १६ बाटै बाहिरिएको हो ।
मंगलबार भएको खेलमा डियालोले चौथो मिनेटमा गोल गरेपछि सेनेगलले अग्रता लिएको थियो ।
आइभरी कोस्टका लागि केसिइले ८६ मिनेटमा पेनाल्टी मार्फतण् बराबरी गोल गरेका थिए ।
निर्धारित ९० औं मिनेट १–१ गोलको बराबरीमा सकेपछि खेल अतिरिक्त समयमा गएको थियो । त्यसपछि अतिरिक्त समयमा कुनै गोल नहुँदा खेल पेनाल्टी सुट आउटमा गएको थियो ।
पेनाल्टी सुट आउटमा आइभरी कोस्टले बाजि मार्यो । शनिबार हुने क्वार्टरफाइनलमा आइभरी कोस्टले माली वा बुर्किना फासोसँग खेल्नेछ ।
Categorized in स्पाेर्ट्स
