इटालियन क्लब इन्टर मिलान च्याम्पियन्स लिग फुटबलको सेमिफाइनलमा प्रवेश गरेको छ ।

पहिलो लेगमा बेन्फिकालाई २–० ले हराएको इन्टरले दोस्रो लेगमा बेन्फिकासँग ३–३ गोलको बराबरीमा खेल्यो ।

बेन्फिका माथि समग्रमा ५–३ ले जित हासिल गर्दै इन्टर अन्तिम चारमा पुगेको हो ।

इन्टरको घरेलु मैदानमा भएको दोस्रो लेगमा इन्टरका लागि निकोलो बरेलाले १४औ मिनेटमा , लाउटरो मार्टिनेजले ६५औं मिनेटमा र जोआक्विन कोरेयाले ७८ औं मिनेटमा गोल गरे ।

यस्तै बेन्फिकाका एन्टोनियो सिल्भा ३८औं, पिटर मुसाले ८६ औं मिनेटमा  र फ्रेडरिक और्सनेसले खेलको अन्तिम समयमा गोल गरे ।

इन्टरले सेमिफाइनलमा इटालीकै एसी मिलानसँग खेल्नेछ ।

Categorized in स्पाेर्ट्स