म्यानचेस्टर युनाईटेडको पुनरागमन जित
SamacharDesk – आकाश राजोपाध्याय | २०८० भाद्र १०, आइतबार
प्रिमियर लिग फुटबलमा म्यानचेस्टर युनाईटेडले पुनरागमन जित निकालेको छ ।
शनिबार भएको खेलमा युनाईटेडले नोटिङ्हम फरेस्टमाथि ३–२ को पुनरागमन जित निकालेको हो ।
ओल्डट्राफोर्डमा युनाईटेडले खेलको सुरुआतमै २–० ले पछि परेको अवस्थालाई उल्टाउँदै खेलमा पुनरागमन जित हासिल गर्न सफल रह्यो ।
ताइवो अवोनियी र विली बालीले खेलको दोस्रो र चौथों मिनेटमा गोल गर्दै पाहुना टोलीलाई अग्रता दिलाएका थिए ।
इरिक्सेनले १७ औं मिनेट र कास्मिरोले ५२ औं मिनेटमा गोल गर्दै युनाईटेडलाई खेलमा फर्काएका थिए ।
ब्रुनो फर्नान्डेजले ७६ औं मिनेटमा पेनाल्टी मार्फत गोल गर्दै युनाईटेडलाई शानदार पुनरागमन जित दिलाए ।
त्यसअघि ६७ औं मिनेटमा पाहुना टोली १० खेलाडीमा सिमित बनेको थियो ।
Categorized in स्पाेर्ट्स
