इंग्लीश प्रिमियर लिग फुटबलमा टोटनह्याम हट्सपरले म्यान्चेस्टर युनाइटेडलाई ३–० ले हराएको छ ।

म्यान्चेस्टर युनाइटेडको मैदान ओल्ड ट्राफोर्डमा गएराति भएको खेलमा भ्रमणकारी टोली टोटनह्यामलाई विजयी गराउन ब्रेनान जोन्सन, डेजान कुलुसेभ्स्की र डोमिनिक सोलांकीले एक एक गोल गरे ।

पहिलो हाफमै म्यान्चेस्टर युनाइटेडका ब्रुनो फर्नान्डेज रातो कार्ड खाँदै बाहिरिएपछि टोली १० जनामा सेमटिएको थियो । यो हारले प्रशिक्षक एरिक टेन ह्यागमाथिको दबाब झनै बढेको छ ।

प्रिमियर लिगकै अर्को खेलमा इप्सविच टाउन र एस्टन भिल्लाले २–२ गोलको बराबरी खेलेका छन् ।

गएरातिका खेलपछि प्रिमयर लिगमा ६ खेलबाट १५ अंक जोडेको लिभरपुल शिर्ष स्थानमा यथावत छ ।

१४ अंक जोडेका म्यान्चेस्टर सिटी र आर्सनल क्रमशः दोस्रो र तेस्रो स्थानमा छन् भने चोथो स्थानको चेल्सीको १३ अंक भएको छ ।

Categorized in स्पाेर्ट्स