arin enterprises

अवैध भित्रिएका मोबाइल अबदेखि नचल्ने

SamacharDesk | २०७९ भाद्र ३०, बिहिबार

अवैध रुपमा भित्रिने मोबाइल सेटहरु नेपाल दूरसञ्चार प्राधिकरणले दर्ता नगरी नचल्ने प्रणाली लागू गरेको छ ।

चोरी पैठारी तथा अवैध रुपमा भित्रिने मोबाइल सेटहरुको आयात रोक्ने उद्देश्यले यो प्रणाली लागू  गरिएको प्राधिकरणले जनाएको छ ।

अबदेखि नेपालमा भित्रिने सबै मोबाइल अनिवार्य दर्ता गर्नुपर्नेछ । लामो समयको प्रयासपछि प्राधिकरणले डिभाइस म्यानेजमेन्ट सिस्टम एमडिएमएस लागू गरेको हो ।

दर्ता नगरी ती मोबाइल सेटहरु चल्ने छैनन् । यो प्रणाली लागू हुनुभन्दा अघि चलनमा आएका मोबाइल सेटहरु भने स्वतः चल्नेछन् ।

सर्वसाधारणले नयाँ मोबाइल सेट किन्दा एमडीएमएस प्रणालीमा दर्ता भए नभएको पक्का गरेर मात्रै किन्नुपर्ने पनि प्राधिकरणले सूचनामा उल्लेख गरेको छ ।

त्यसैगरी मोबाइल आयातकर्ता तथा बिक्रेताहरुलाई पनि स्वीकृत लिएर मात्रै बिक्री गर्न निर्देशन दिइएको छ । वैधानिक रुपमा मोबाइल सेट आयात गर्दै आएका ब्यापारीहरुले चोरी पैठारी तथा गैरकानुनी आयात रोक्नका लागि दबाब दिँदै आएका थिए ।

पछिल्लो समय सरकारले ३ सय डलरभन्दा माथिका मोबाइल सेट आयातमा प्रतिबन्ध लगाएपछि चोरी पैठारी झन् बढेको ब्यापारीहरुको दाबी छ ।

Categorized in विजनेस
SKIP THIS four nine