पाकिस्तानमा राष्ट्रव्यापी रुपमा मोबाइल फोन सेवा बन्द
SamacharDesk | २०८० माघ २५, बिहिबार
पाकिस्तानले बिहीबार चुनावको दिन राष्ट्रव्यापी रुपमा मोबाइल फोन सेवा बन्द गरेको छ । पाकिस्तानको आन्तरिक मामिला मन्त्रालयले कानून र व्यवस्था कायम गर्न भन्दै यस्तो निर्णय लिएको हो ।
देशव्यापी रूपमा मोबाइल सेवा अस्थायी रूपमा बन्द गर्ने निर्णय भएको मन्त्रालयका प्रवक्ताले विज्ञप्तिमा भनेका छन् ।
एक्समा पोस्ट गर्दै पाकिस्तान थरिक–ए–इन्साफ (पीटीआई) ले यो निकै महत्त्वपूर्ण दिनमा यसको विरुद्ध वरपर रहेका जोकोहीलाई इन्टरनेटमा पहुँच पाउन सक्नेगरि आफ्नो व्यक्तिगत वाईफाई अकाउन्टको पासवर्ड हटाइदिन अनुरोध गरेको छ ।
“पाकिस्तानको अवैध, फासिस्ट सरकारले मतदानको दिन पाकिस्तानभर सेलफोन सेवा बन्द गरेको छ । तपाईंहरू सबैलाई यस किसिमको कायरतापूर्ण कदमलाई चुनौती दिन आफ्नो व्यक्तिगत वाईफाई अकाउन्टको पासवर्ड हटाइदिन अनुरोध गर्दछौं, ता कि वरपर रहेका जोकोहीले यो निकै महत्त्वपूर्ण दिनमा इन्टरनेटमा पहुँच पाउन सकून् । यसमा हामी सबै साथमा छौं र साथमै हाम्रो जीत हुनेछ ” पोस्टमा लेखेको छ ।
अहिले पाकिस्तानभर रहेका सम्पूर्ण मतदान केन्द्रमा केन्द्रीय र प्रदेश सभाका लागि मतदान चलिरहेको छ ।
राजधानी इस्लामावादमा रहेका एएफपीका पत्रकारहरूले बिहान ८ः०० बजेदेखि सरु भएपछि मोबाइल इन्टरनेटमा पहुँच बनाउन सकेका छैनन् ।
Categorized in अन्तर्राष्ट्रियPakistanis, the illegitimate, fascist regime has blocked cell phone services across Pakistan on polling day.
— PTI (@PTIofficial) February 8, 2024
You are all requested to counter this cowardly act by removing passwords from your personal WiFi accounts, so anyone in the vicinity can have access to internet on this… pic.twitter.com/b0OwDhwBaB