नेपाली टेबलटेनिस टोली आइतबार भारत जाँदै
SamacharDesk – आकाश राजोपाध्याय | २०७९ फाल्गुण १३, शनिबार
डब्लुटीटी स्टार कन्टेन्डरमा सहभागी हुन नेपाली टेबलटेनिस टोली भारतको गोवामा जाने भएको छ ।
फेब्रुअरी २७ देखि मार्च ३ सम्म हुने प्रतियोगितामा नेपालवाट चार खेलाडीसहित छ सदस्यीय नेपाली टेबलटेनिस टोली आइतबार भारत प्रस्थान गर्न लागेको हो ।
प्रतियोगितामा पुरुषमा संयोग कपाली र विपुल महर्जन तथा महिलामा नवीता श्रेष्ठ र एलिना महर्जनले प्रतिस्पर्धा गर्ने छन् । टोलीको व्यवस्थापकमा निकेशप्रसाद जोशी छन् भने प्रशिक्षकमा राकेश महर्जन छन् ।
टोलीलाई नेपाल ओलम्पिक कमिटीका अध्यक्ष जीवनराम श्रेष्ठ, अखिल नेपाल टेबलटेनिस संघका अध्यक्ष चतुरानन्दराज वैद्यलगायतले शुक्रबार सातदोबाटोमा भएको एक कार्यक्रमबीच बिदाइ गरे ।
टोलीको प्रायोजन ललितपुर पूर्णचण्डीमा रहेको सम्झना ल्याबोरेटरी क्लिनिक प्रा.लि. ले गरेको छ ।
Categorized in स्पाेर्ट्स
