कीर्तिपुर नगरपालिका भवनमा स्तनपान कक्ष स्थापना
SamacharDesk – बिराजकाजी राजोपाध्याय | २०७७ श्रावण २४, शनिबार
विश्व स्तनपान सप्ताहको अवसरमा कीर्तिपुर नगरपालिका भवनमा स्तनपान कक्ष स्थापना भएको छ ।
शुक्रवाः कीर्तिपुर नगरपालिकाका प्रमुख रमेश महर्जनले नगरपालिका भवनमा स्तनपान कक्षको उद्घाटन गरे ।
कीर्तिपुर नगरपालिकाको अमल्सिमास्थित नयाँ भवनमा स्थापना गरिएको यस कक्षले सेवाग्राही महिलारूका साथै कर्मचारीहरूलाई समेत सहज रुपमा सुविधा उपलब्ध हुने नगरपालिकाका उप–प्रमुख सरस्वती खड्काले बताउनुभयो ।
कार्यक्रममा कीर्तिपुर नगरपालिका स्वास्थ्य शाखा प्रमुख सन्तमान मानन्धरले आगामी दिनमा उक्त कक्षलाई मापदण्ड अनुसार थप सुविधाहरूसहित सञ्चालन गरिने बताए ।
कीर्तिपुर नगरपालिका अन्तरगत सञ्चालित स्वास्थ्य संस्थाहरूमा समेत स्तनपान सूचना कक्षको व्यवस्थापन गरिएको मानन्धरले जानकारी गराउनुभयो ।
हरेक वर्ष अगस्ट १ देखि ७ सम्म मनाइने विश्व स्तनपान सप्ताह यस वर्ष २०७७ साउन १७ गते देखि २३ गतेसम्म परेको थियो ।
Categorized in स्थानीय
