स्वास्थ्य मन्त्रालयले आफ्नो नियमित प्रेस व्रिफिङमा कोरोना संक्रमणको अवस्थाको सवालमा दिनहुँ जसो नेपालमा अन्य देशको तुलनामा मृत्युदर कम रहेको भनिरहँदा यहाँ दिनहुँ नै मृत्यु पनि हुन थालेको छ । आज फेरी दुई जना संक्रमितको मृत्यु भएको मन्त्रालयले पुष्टि गरेको छ ।

कास्की जिल्ला पोखरा महानगरपालिका १९ का ६२ वर्षीय पुरुषको हिजो राती ११ः३५ बजे मृत्यु भएको छ । 

पोखरा स्वास्थ्य विज्ञान प्रतिष्ठानमा उपचारको क्रममा उनको निधन भएको हो । १७ साउनमा अस्पताल भर्ना भएका उनी मधुमेहबट समेत पिडित रहेको बताइएको छ ।

त्यसैगरी पर्सा जिल्ला वीरगंज महानगरपालिकाकी २० वर्षीय महिलाको पनि मृत्यु भएको छ । 

२४ गते विहान १ः३० बजे निधन भएकि उनको स्वास्थ्यमा समस्या देखिएपछि उपचारको लागि नारायणी अस्थायी कोभिड विशेष अस्पताल ल्याइएकोमा अस्पताल पुग्दा उनलाई चिकित्सकले मृत घोषणा गरेका थिए ।

योसँगै नेपालमा कोरोना संक्रमणका कारण मृत्यु हुनेको संख्या ७५ पुगेको छ ।

Categorized in समाज