धादिङ धुनिबेशी नगरपालिका वडा नम्बर ६ थाक्रेस्थित एक होटलमा आगलागी हुँदा लाखौंको धनमाल जलेर नष्ट भएको छ ।

थाक्रे गाउँपालिका वडा नम्बर १० बस्ने राम कुमार श्रेष्ठको होटलमा विद्युत सर्ट भई आज बिहान आगलागी भएको थियो ।

आगलागीमा करिब ४ लाख रुपैयाँ बराबरको धनमाल जलेर नष्ट भएको छ ।

आगलागीमा परेर राम कुमारकी ३५ वर्षीया श्रीमती मिरा श्रेष्ठ घाइते भएकी छिन् ।

उनलाई उपचारको लागि शिवदर्शन धार्के अस्पताल लगिएको थियो भने अहिले थप उपचारको लागि कीर्तिपुरस्थित कीर्तिपुर अस्पताल लगिएको छ ।

प्रहरी र स्थानीयबासी मिलेर आगो नियन्त्रणमा लिएको थियो ।

Categorized in समाज