रौतहटमा आगलागीबाट लाखौंको धनमाल नष्ट
SamacharDesk – बिकाश | २०७७ पौष २६, आइतबार
रौतहटमा ग्यास लिक भएर भएको आगलागीमा लाखौंको धनमाल नष्ट भएको छ ।
गौरको पुरेनवा बस्ने तेजनारायण कुँवरको घरमा ग्याँस सिलिण्डर लिक भई आज बिहान आगलागी भएको हो ।
आगलागीमा घरभित्र रहेका लत्ताकपडा, खाद्यान्न र फर्निचर लगायतका सामान जलेको छ । आगलागीबाट करिब ४ लाख ५० हजार रुपैयाँ बराबरको धनमाल नष्ट भएको बताइएको छ ।
आगलागीमा परी तेजनारायणकी छोरी १७ वर्षीया रोशनी कुमारी सिंह सामान्य घाइते भएकी छन् ।
स्थानीयबासीको सहयोगमा आगलागी नियन्त्रणमा लिइएको थियो ।
Categorized in समाज
