खाना पकाउने एलपी ग्यासमा भइरहेको मूल्यवृद्धिले मारमा परेका विद्यार्थीलाई सहज बनाउन  उद्देश्यले दुर्गम क्षेत्रबाट काठमाडौंमा भाडामा बसी पठनपाठन गरिरहेका विद्यार्थीहरुलाई सरकारले निःशुल्क विद्युतीय चुल्हो इन्डक्सन प्रदान गर्ने भएको छ ।

वैकल्पिक ऊर्जा प्रवर्द्धन केन्द्रले विभिन्न परियोजनामा भएको टेन्डरपछि बचत भएको बजेटलाई उपयोग गर्ने गरी यस्तो योजना ल्याएको हो ।

ऊर्जा जलस्रोत तथा सिंचाइ मन्त्रालयको निर्देशनअनुसार केन्द्रले सरकारी तथा सामुदायिक क्याम्पसमा अध्ययन गरिरहेका विद्यार्थीहरुबाट आवेदन माग गरेको छ । यसरी माग गरेको आवेदन मन्त्रालयको माग भन्दा बढी आएमा दुर्गम तथा अतिदुर्गम क्षेत्रबाट काठमाडौंमा आएका विद्यार्थीलाई प्राथमिकतामा राखिने मन्त्रालयले जनाएको छ ।

केन्द्रका जैविक ऊर्जा शााखाका वरिष्ठ अधिकृत कुन्दन पोखरेल मजगैयाँका अनुसार आवेदनको संख्या हेरेर विद्युतीय चुल्हो किनेर वितरण गरिने छ । यसले विदेशबाट आयात हुने पेट्रोलियम इन्धन कम भएर देशमा उत्पादित स्वच्छ ऊर्जाको खपत बढ्ने उनले बताए ।

Categorized in समाज