बसको ठक्करबाट २७ वर्षीय युवकको मृत्यु
SamacharDesk – समाचारडेस्क रिपोर्टर | २०७९ पौष २५, सोमबार
बालाजुमा भएको सडक दुर्घटनामा एक युवकको मृत्यु भएको छ ।
काठमाडौंको बालाजुस्थित सडकमा बसको ठककरबाट अन्दाजी २७ वर्षीय पुरुषको आइतबार राति मृत्यु भएको हो ।
ठक्करबाट गम्भीर घाइते भएका उनलाई उपचारको लागि शिक्षण अस्पताल महाराजगंज लगिएको थियो । सोही अस्पतालमा उपचारको क्रममा उनको मृत्यु भएको हो ।
हालसम्म बसको नम्बर खुल्न नसकेको र बस चालक फरार रहेको प्रहरीले जनाएको छ ।
फरार बस र चालकको खोजी भइरहेको प्रहरीले बताएको छ ।
Categorized in समाज
