विवेकशीलमा नयाँ नेतृत्व
SamacharDesk | २०७९ माघ २९, आइतबार
पटक पटक फुट्ने र फेरि एकीकरण हुने विवेकशील साझा पार्टीको अध्यक्षमा समीक्षा बाँस्कोटा चयन हुनुभएको छ ।
गत शुक्रबारदेखि काठमाडौंमा आयोजित महाधिवेशनबाट बाँस्कोटा अध्यक्ष चयन हुनु भएको हो ।
यस्तै महासचिवमा रन्जु न्यौपाने चयन हुनभएको छ । पार्टी गठन भएपछि पहिलो पटक आयोजना गरिएको महाधिवेशनबाट सर्वसम्मत रुपमा ८ पदाधिकारी पनि चयन गरिएको छ ।
उपाध्यक्षमा प्रकाशचन्द्र परियार, विमला अधिकारी र मिलन पाण्डे चयन भएका छन् भने सचिवमा पवित्रा थापा, विमल तामाङ चयन भएका छन् ।
दामोदर नेपाललाई कोषाध्यक्ष चयन गरिएको छ । ६१ केन्द्रीय समिति समिति बनाउने निर्णय भएकोमा उनीहरुलाई मतदानबाट चयन गरिने छ ।
Categorized in राजनीति
