अमेरिकाको एक विद्यालयमा गोली प्रहार
SamacharDesk – आकाश राजोपाध्याय | २०७९ चैत्र १४, मंगलबार
अमेरिकाको टेनेसी राज्यको नासभिल शहरको एक प्राथमिक विद्यालयमा गोली प्रहार भएको छ ।
प्रि–स्कुलदेखि ६ कक्षासम्म पढाई हुने २ सय विद्यार्थी रहेको प्रेस्बिटेरियन स्कुल द कभेन्टमा एक महिलाले अन्धाधुन्ध गोली प्रहार गरेको हो ।
गोलि प्रहारमा ३ जना बालबालिकासहित ६ जनाको मृत्यु भएको अमेरिकि संचार माध्यमले जनाएको छ ।
गोली लागेर मृत्यु हुनेहरुमा ९ वर्षीय बालकदेखि ६१ वर्षीय वृद्धसम्म रहेका छन् ।
२८ वर्षीय औड्री हेल नाम गरेकी महिलाले आफू पनि सोही स्कुलमा पढेको भन्दै विद्यालयमा प्रवेश गरी विद्यार्थी, शिक्षक र कर्मचारीमाथि अन्धाधुन्ध गोली प्रहार गरेको नाशभिल शहरको प्रहरीले जनाएको छ ।
आक्रमणकारी महिलाको पनि प्रहरीको कारबाहीमा मृत्यु भएको छ ।
स्थानीय प्रहरीले घटना र आक्रमणकारी महिलाको बारेमा विस्तृत अनुसन्धान भइरहेको बताएको छ ।
Categorized in अन्तर्राष्ट्रिय
