स्पेनिस ला लिगाका शीर्ष स्थानको बार्सिलोनाले १५ अंकको अग्रता लिएको छ ।

गएराति भएको खेलमा बार्सिलोनाले इल्चेलाई हराउँदै शीर्ष स्थानमा १५अंकको अग्रता सहित बलियो पकड बनाएको हो । इल्चेको घरेलु मैदान म्यान्युल मार्टिनेज भलेरोमा भएको खेलमा बार्सिलोनाले इल्चेलाई ४–० गोलले हराएको हो ।

बार्सिलोनालाई जित दिलाउन रोबर्ट लेवान्डोस्कीले दुई गोल गर्दा अन्सु फाती र फेरान टोरेसले नाममा एक एक गोल गरे ।

खेलको २० औं मिनेटमा लेवान्डोस्कीले गोलवाट पाहुना टोलीले अग्रता लिए । ५६ औं मिनेटमा फातीले गोल गर्दा बार्सिलोनाको २–० ले अघि रह्यो ।

लेवान्डोस्कीले ६६ औं मिनेटमा व्यक्तिगत दोस्रो गोल गर्दै बार्सिलोनालाई ३–० को अग्रता दिलाए । त्यसपछि खेलको ७० औं मिनेटमा टोरेसले गोल गर्दा बार्सिलोना ४–० ले अघि रह्यो ।

यो जितसँगै बार्सिलोनाले २७ खेलमा ७१ अंक जोडेको छ ।दोस्रो स्थानको रियल म्याड्रिडले २६ खेलमा ५६ अंक छ ।

इल्चे १३ अंक सहित पुछारमा रहेको छ ।

Categorized in स्पाेर्ट्स