टोटनह्याम र एभर्टनले बराबरी खेले
SamacharDesk – आकाश राजोपाध्याय | २०७९ चैत्र २१, मंगलबार
इंग्लिस प्रिमियर लिगमा टोटनह्याम र एभर्टनले बराबरी खेलेका छन् । सोमबार राति भएको खेलमा टोटनह्याम र एभर्टनले १–१ गोलको बराबरी खेलेका हुन् ।
एभर्टनको घरेलु मैदान गुडिसन पार्कमा भएको पहिलो हाफ गोल रहित बराबरीमा सकिएको थियो ।
दोस्रो हाफको ६८ औं मिनेटमा ह्यारी केनले पेनाल्टीमार्फत गोल गर्दै टोटनह्यामलाई अग्रता दिलाएका थिए ।
माइकल किनले ९० औं मिनेटमा गोल गर्दै एभर्टनलाई १–१ को बराबरीमा ल्याए ।
त्यसअघि दुवै टोली १० खेलाडीमा समेटिन पुगेको थियो ।
खेलको ५८ औं मिनेटमा अब्दुलाए डोकुरेले रातो कार्ड पाएपछि एभर्टन १० खेलाडीमा समेटियो थियो ।
यस्तै लुकास मोउराले ८८ औं मिनेटमा रातो कार्ड पाएपछि टोटनह्याम पनि १० खेलाडीमा समेटिएको थियो ।
यो बराबरीसँगै टोटनह्याम र एभर्टनले बराबरी खेल्दै अंक बाँडेका छन् ।
टोटनह्याम ५० अंक जोडेर चौथो स्थानमा उक्लिएको छ । एभर्टन भने २७ अंक जोडेर १५ औं स्थानमा छ ।
Categorized in स्पाेर्ट्स
