इन्टरले बेन्फिकालाई हरायो
SamacharDesk – आकाश राजोपाध्याय | २०७९ चैत्र २९, बुधबार
च्याम्पियन्स लिग फुटबलको क्वाटरफाइनल अन्तर्गत पहिलो लेगमा इटालियन क्लब इन्टर मिलानले जित निकालेको छ ।
मंगलबार राति इन्टरले पोर्चुगिज क्लब बेन्फिकालाई २–० ले हराएको हो ।
इन्टरको जितमा निकोलो बरेला र रोमेलु लुकाकुले एक एक गोल गरे ।
पहिलो हाफ गोलरहित बराबरीमा सकेको खेलको दोस्रो हाफको ५१ औं मिनेटमा बरेलाले गोल गर्दै इन्टरलाई अग्रता दिलाएका थिए ।
लुकाकुले ८२ औं मिनेटमा पेनाल्टी मार्फत गोल गर्दै इन्टरलाई २–० को जित दिलाए ।
जितसँगै इन्टरले सेमिफाइनल पुग्ने सम्भावना बलियो बनाएको छ ।
दुई टोलीबीचको दोस्रो लेग अप्रिल २० मा हुनेछ ।
Categorized in स्पाेर्ट्स
