स्पेनिस ला लिगाको शीर्ष स्थानको बार्सिलोना पराजित भएको छ । बुधबार राति भएको खेलमा बार्सिलोना रायो भालेकानोसँग २–१ गोल अन्तरले पराजित भएको हो ।

रायोको घरेलु मैदानमा भएको खेलको १९ औं मिनेटमा अल्भारो गार्सिया रिभेराले गोल गर्दै भालेकानोलाई अग्रता दिलाएका थिए ।

फ्रान गार्सियाले ५३ औं मिनेटमा गोल गर्दै घरेलु टोलीलाई २–० को अग्रता दिलाए ।

बार्सिलोनाको लागि ८३ औं मिनेटमा रोबर्टो लेवान्डोस्कीले गोल गरे ।

बाँकि समयमा अरु गोल नहुँदा बार्सिलोना २–१ ले पराजित भयो । भालेकानोसँग पराजित भएसँगै आफ्नो प्रतिद्वन्दी रियल म्याड्रिडसँग अंक दुरि घटाउने मैका गुमाएको छ । 

बार्सिलोना ३१ खेलमा ७६ अंक जोड्डै शीर्ष स्थानमा यथावत रहेको छ । भालेकानो ३१ खेलमा ४३ अंक जोडेर नवौं स्थानमा रहेको छ ।

यस्तै ६५ अंक सहित रियल दोस्रो स्थानमा रहेको छ ।

Categorized in स्पाेर्ट्स